Les mots surlignés font l'objet d'une note
1Reçue à Crest, le 13 mai 1573.
2Monsieur de Gordes, c'est pour vous adviser que ne pouvant à present, à mon grand regret,
3pour les affaires et considerations qui se voyent et qu'on peult encores estimer,
4effectuer ma bonne volonté pour le payement des gens de guerre et compaignies que
5avez de nouveau faict lever en ces dernières occasions pour la conservation de mon pays
6de Daulphiné, il fault, en attendant mieulx, les faire payer tout ainsi qu'ont esté
7les compaignies qui estoient destinées pour Languedoc et que depuis je vous ay
8mandé retenir près de vous, ainsi vous y pourvoirez ; et neantmoings, affin de
9soullager le pauvre peuple et eviter les crieries et desordre, je desire et vous prie
10et ordonne que vous madvertissez au plus tost du nombre desdites compaignies, quelz
11bons chefz et capitaines elles ont, quel debvoir elles auront faict et combien se
12monte leur payement par moys, dont dresserez ung petit memoire et estat que
13menvoyerez pour, sur icelluy, faire pourvoir, ainsi que de raison et quon ayt
14tousiours daultant plus doccasion et moyen de se contanter de me bien servir
15et soullager le pauvre pays ; priant Dieu quil vous ayt, monsieur de Gordes,
16en sa garde saincte. Escrit à Fontainebleau, le IIe jour de may 1573.
17Charles
18de Neufville